Қозоқ този итлари жаҳон кўргазмасида илк бор иштирок этади

ASTANА. Кazinform – Жорий йилнинг 21-23 август кунлари Женевада Халқаро кинология федерацияси (FCI) Бош Ассамблеясининг сессияси бўлиб ўтади. Унинг доирасида ташкил этиладиган «World Dog Show-2023» итлар кўргазмасида Қозоғистондан икки този итлари иштирок этади, деб хабар беради Kazinform.

Қозоғистон кинологлар уюшмаси хабарига кўра, қозоқ този итлари тарихда илк бор бундай жаҳон чемпионатида қатнашмоқда. Унга Қозоғистон кинологлар уюшмаси бошчилик қилди ва у мамлакатнинг наслдор ит зотларини халқаро майдонга фаол тарғиб қилмоқда.

Швейцария миллий кинология жамияти Қозоғистон кинологлар уюшмасининг сўровини кўриб чиқди ва Женевада бўлиб ўтадиган жаҳон чемпионатида иштирок этувчи ит зотлари рўйхатига қозоқ този итларини қўшди.

«Қозоқ този итлари тарихда илк бор Европа Иттифоқи мамлакатлари жаҳон кўргазмасида иштирок этди. Бу йўлда жуда кўп ишлар қилинган. Бельгияда FCI (Халқаро кинология федерацияси) билан қатор музокаралар олиб бордик. Жорий йилнинг апрель ойида Қозоғистон кинологлар уюшмаси таклифига кўра «Kazakh Tazy» биринчи марта Халқаро кинология федерациясининг ит зотлари номенклатурасига киритилди. Бизнинг таклифимиз FCI томонидан қўллаб-қувватланганидан жуда хурсандмиз», - дейди Қозоғистон киноологлар уюшмаси президенти Бауржан Серикыали.

Шунингдек, 21-22 август кунлари бўлиб ўтадиган Халқаро кинология федерацияси Бош Ассамблеясида Қозоғистонни ушбу ташкилотнинг тўлақонли аъзоси сифатида тан олиш масаласи кўриб чиқилиши айтилмоқда.

Эслатиб ўтамиз, 2022 йилда Давлат раҳбари Қасим-Жомарт Тоқаев тегишли мутасаддиларга миллий ит зотлари – қозоқ този ити ва теватни асраб-авайлаш ва тиклаш, шунингдек, қозоқи ит зотларини халқаро миқёсда тарғиб қилиш бўйича топшириқ берган эди. Қозоғистон Республикаси Президенти Ишлар бошқармаси ушбу масалани инобатга олди ва тизимли қарор қабул қилиш учун давлат органлари фаолиятини мувофиқлаштирди. Президент фармойиши билан тегишли ишчи гуруҳи тузилиб, Экология ва табиий ресурслар вазирлиги ваколатли орган этиб белгиланди.

Бош қароргоҳи Бельгияда жойлашган Халқаро кинология федерациясига қозоқ този ити ва теват зотларини халқаро майдонда кенг тарғиб қилиш учун ариза юборилди. Асосий талаб - мамлакат Кинология ассоциациясини ушбу ташкилотнинг тўлиқ аъзоси сифатида рўйхатдан ўтказиш. Мамлакат номидан Қозоғистон кинологлар уюшмаси FCI билан алоқаларни давом эттиради.