Қозоғистоннинг «Talaq» фильми Шанхай халқаро кинофестивалида бош совринни қўлга киритди

PEKIN. Kazinform — 22 июнда Шанхайда 26-Шанхай халқаро кинофестивалининг (SIFF) Олтин кубогини тақдирлаш маросими бўлиб ўтди.

Натижада “Энг яхши фильм” номинациясида Қозоғистоннинг «Talaq» фильми ғолиб бўлган бўлса, ушбу фильмда бош ролни ижро этган Амира Омарова энг яхши актриса деб топилди.

2024 йилги кинофестивалнинг асосий танлов дастурига иккита қозоғистонлик фильми киритилди: тўлиқ метражли бадиий фильмлар бўлимига режиссёр Донияр Саламатнинг «Talaq» фильми танланди. Фильмнинг жаҳон премьераси Шанхай кинофестивалида бўлиб ўтди.

“Янги Осиё истеъдодлари” дастурида Қозоғистон, Россия ва Италия ҳамкорлигида суратга олинган Малика Махамежаннинг “Бир кундан кўпроқ” номли навбатдаги фильми намойиш этилди. Шунингдек, у жаҳон премьерасига айланди.

Танловга 105 мамлакат ва минтақалардан 3700 дан ортиқ аризалар келиб тушди. Танлов натижасида 29 та давлат ва минтақадан 50 та фильм беш номинация бўйича «Олтин кубок» мукофотини олиш учун танлаб олинди, улардан 38 таси жаҳон премьераси бўлди.

“Тўлиқ метражли бадиий фильмлар” йўналишида бош соврин учун 14 та фильм, жумладан, Қозоғистоннинг «Talaq» фильми ҳам кураш олиб борди.

Шанхай халқаро кинофестивали 1993 йилдан бери ўтказиб келинмоқда.