Қозоғистоннинг соғлиқни сақлашга сарфлаган харажатлари илк бор ЯИМнинг 4 фоизига етди

ASTANA. Kazinform - Парламент Мажилиси спикери Ерлан Қошанов депутатлик корпуси фаолияти натижалари ҳақида гапирди, деб хабар беради Кazinform мухбири.

— Жамиятнинг бирор бир нозик соҳаси бўлмаса керак, депутатлик корпусида нуфузли вакили бўлмаса. Депутатлар ҳамкорликда иш олиб бориш орқали Давлат раҳбари томонидан кўтарилган кўплаб ижтимоий аҳамиятга эга масалалар ечимига эришмоқда, – деди E.Қошанов.

Шундай қилиб, ўқитувчилар ва шифокорларнинг маошлари, талабалар стипендиялари оширилди. Иқтидорли болалар, халқаро олимпиадалар ва илмий танловлар иштирокчиларига тўловлар қонун ҳужжатларида назарда тутилган.

— Мамлакат тарихида илк бор соғлиқни сақлашга сарфланган умумий харажатлар ЯИМнинг 4 фоизини ташкил этди. Шифокорларни қишлоқларга бориб ишлашга ундашмоқда. Шифокорлар тўққиз миллион тенге миқдорида нафақа оладилар. 3,5 миллион аҳолини қамраб олган бепул тиббий ёрдам кўламига саратон касаллигини скрининг текшируви киритилгани катта ютуқдир. Бу рўйхат давом этади, — дея қўшимча қилди Мажилис спикери.

Эслатиб ўтамиз, Мажилисда маълум қилинишича, янги очилган йирик конларнинг 50 фоиздан ортиғи давлатга тегишли бўлади.