Қозоғистоннинг олий ўқув юртларида сунъий интеллект курслари ўқитилади

Сунъий интеллект курси Google компанияси билан ҳамкорликда Қозоғистоннинг бир қанча олий ўқув юртларида ўқитилади, деб хабар беради Kazinform мухбири.

“Ҳозирда вазирлигимиз томонидан дунёдаги энг сўнгги илмий янгиликлар, сунъий интеллект мониторинги олиб борилмоқда. Давлатимиз раҳбарининг халққа Мурожаатномасида сунъий интеллект бўйича бир қатор вазифалар қўйилди. Камида 3 та олий таълим муассасаси сунъий интеллект курсларини бошлаши керак. Бугун биз Google билан ҳамкорликда 14 та университет негизида махсус тажриба курсини бошлаяпмиз. Курс муваффақиятли амалга оширилса, кейинги йилдан бошлаб барча олий таълим муассасаларида сунъий интеллект курси ўқитилади”, - деди ҚР Фан ва олий таълим вазири Саясат Нурбек.

Вазирнинг сўзларига кўра, университет битирувчилари сунъий интеллект билан ишлайдиган ҳолатга эришиш керак.

“Мамлакатимизда фан модели ислоҳоти бошланади. Ҳозир махсус қонун тайёрланяпти, у шу ой охирида кўриб чиқиш учун Мажилисга тақдим этилади. Мазкур қонун асосида олий таълим муассасалари илмий тадқиқотлар, сунъий интеллект, илмий кашфиётлар билан шуғулланади. Биз фанни молиялаштиришни 3 баробарга оширдик. Илмий грантлар учун 650 миллиард тенге ажратилди”, - дейди у.

Муаллиф: Даулет Изтилеу