Қозоғистоннинг ОАВни ривожлантиришни назарда тутувчи Ахборот доктринаси тасдиқланади

ASTANА. Кazinform – Қозоғистоннинг ахборот доктринаси тасдиқланиши мумкин. Ҳукумат Президент Фармони лойиҳасини «Аshyq» НҲА порталида эълон қилди, деб хабар беради Kazinform мухбири.

Ахборот доктринаси мамлакат ахборот саноатини ривожлантиришнинг қарашлари ва тамойиллари тизими, унинг шаффофлиги ва рақобатбардошлигини ошириш механизмларини белгилайди. Шу билан бирга, у жамият манфаатларига жавоб берадиган ва давлатнинг янада ривожланишига ҳисса қўшадиган мафкуравий қадриятларни ўрнатади.

Ҳужжатга кўра, доктрина ахборот-коммуникация соҳасида давлат сиёсатини шакллантириш ва жамоатчилик билан алоқаларни ривожлантиришда асосий ҳужжат бўлади.

«Доктринанинг мақсади маҳаллий ахборот саноатини ривожлантириш учун шарт-шароитлар яратиш ва Қозоғистон Республикасининг ахборот суверенитетини таъминлаш бўйича чора-тадбирларни ишлаб чиқишдан иборат. Бундан ташқари, оммавий ахборот воситалари жараёнининг барча субъектлари учун тенг шароитлар яратиш ва ўз ҳуқуқларини амалга ошириш, сўз эркинлигини таъминлаш, конституциявий ҳуқуқларга риоя этилишини ҳисобга олган ҳолда қонун ҳужжатларида тақиқланмаган ҳар қандай шаклда ахборот олиш ва тарқатиш; шунингдек, ахборот жараёни иштирокчиларининг ишонч даражасини оширишга қаратилган. Доктринанинг асосий йўналиши – ахборот хавфсизлигини таъминлаш, ташқи таҳдид ва хатарларга ўз вақтида жавоб бериш», — дейилади Ҳукумат қарорида.

Ҳужжатга кўра, маҳаллий оммавий ахборот воситаларида сифатли контент яратиш ва унга бўлган талабни ошириш муҳим аҳамиятга эга. Шунингдек, хорижий ахборот маҳсулотларига қарамликни камайтиришга ҳам эътибор қаратиш лозим. Бунинг учун қуйидаги чоралар тавсия этилади:

- ёлғон маълумотларга қарши ҳаракат механизмини кучайтириш ва ташқи ахборот таҳдидларини тенглаштириш;

- одамларнинг танқидий тафаккурини шакллантирадиган, таҳлилий мазмунга эга контентни ривожлантириш зарур;

- давлат органларининг коммуникатив сиёсати моделини такомиллаштириш. барча давлат раҳбарлари, матбуот ходимлари ва жамоатчилик билан алоқалар бўлими мутахассисларининг малакасини доимий равишда ошириш;

- давлатга тегишли ахборотдан фойдаланиш имкониятини таъминлаш;

- маҳаллий ахборот маҳсулоти ишлаб чиқарувчиларининг ташқи бозорга чиқишларини рағбатлантириш.

Ахборот ва ижтимоий ривожланиш вазирлигининг маълумотларига кўра, доктринанинг амалга оширилиши ёлғон маълумотларга қарши ҳаракат қилишнинг давлат механизмини такомиллаштириш, самарали стратегик алоқа тизимини яратиш ва қозоқ маданиятини ҳар томонлама ривожлантириш ва Қозоғистондаги фуқаролик щзига хосликни мустаҳкамлаш имконини беради.

Ҳужжатнинг очиқ муҳокамаси 29 декабрга қадар давом этади. Кейинроқ якуний тасдиқлаш учун имзолаш учун Давлат раҳбарига юборилади.

Муаллиф: Алихан Асқар