Қозоғистоннинг халқаро захиралари ярим йил ичида 4,3 фоизга ошди
«Мамлакатнинг халқаро захиралари 2023 йил 1 июнь ҳолатига кўра 94,7 миллиард АҚШ долларга етди ва 2023 йил бошига нисбатан 4,3 фоизга ошди. Миллий банкнинг олтин-валюта активлари 1,1 фоизга ёки 35,5 миллиард АҚШ долларга, Миллий жамғарманинг хорижий валютадаги активлари эса 6,3 фоизга ёки 59,2 миллиард АҚШ долларга ўсди», - дейилади Миллий иқтисодиёт вазирлиги ҳужжатида.
Вазирлик маълумотларига кўра, 2023 йил 1 май ҳолатига банк секторининг иқтисодиётга йўналтирилган кредитлари 25 триллион 621,1 миллиард тенгени ташкил қилди. Улардан юридик шахсларга - 10 триллион 682,4 миллиард тенге, жисмоний шахсларга - 14 триллион 938,7 миллиард тенге берилган.
«Омонатлар 2023 йил 1 июнь ҳолатига кўра, 30 триллион 629,2 миллиард тенгени ташкил этди ва 2023 йил бошига нисбатан 1 фоизга камайди. Юридик шахсларнинг омонатлари 3,8 фоизга ёки 14 триллион 711,4 миллиард тенгега камайди. Жисмоний шахсларнинг омонатлари 1,7 фоизга ёки 15 триллион 917,8 миллиард тенгегача ошди. Миллий валютадаги депозитлар улуши 2022 йил декабрдаги 68,4 фоиздан 2023 йил май ойида 71,6 фоизгача ошди», - деб ёзади вазирлик мутахассислари.
Муаллиф: Есимжан Нақтибай
