Қозоғистоннинг электрон вакцинация паспорти 33 та давлатда тан олинади

NUR-SULTAN. Kazinform – Санитария-эпидемиология назорати қўмитасининг расмий вакили Ержан Байтанаевнинг маълум қилишича, эндиликда коронавирусга қарши эмлаш паспорти ёки сертификати бўлган Қозоғистон фуқаролари ва ўзаро тан олиш келишувига эга давлатлар фуқаролари ПЗР тести, карантин каби чекловлардан озод қилинади, деб хабар беради Kazinform мухбири.

«Олти ёки ундан кўп ой олдин бирламчи эмлашнинг тўлиқ курсини олган шахслар қайта эмланади. Бугунги кунда апрел ойи охиригача 6,3 миллион киши қайта эмланади. 3,7 миллион киши ёки 59 фоизи қайта эмлаш билан қамраб олинди. Таъкидлаш жоизки, Комирнати компанияси препарати (Pfizer) кенг қўлланила бошлаши билан ҳудудларда коронавирусга қарши эмлаш ҳам, қайта эмлаш ҳам фаоллашди. Ҳар куни 21 мингга яқин аҳоли қайта эмланмоқда, – дейди Е.Байтанаев.

Шунингдек, Е.Байтанаев хорижга чиқишда эмлаш ва ревакцинацияга қўйиладиган талаблар ўша мамлакат томонидан белгиланишини таъкидлади. ЖССТ томонидан тасдиқланган вакциналар тан олинган мамлакатларга саёҳат қилганда, тегишли вакциналар билан қайта эмлаш мумкин. Эмлаш паспортларини ўзаро тан олиш бўйича келишувга эришилган мамлакатлар учун мавжуд вакцинация ҳужжати етарли.

Муаллиф: Мейрамбек Байғарин