Қозоғистоннинг дзюдо бўйича ўсмирлар терма жамоаси Европа кубогида 6 та медални қўлга киритди

ASTANA. Kazinform – Қозоғистоннинг дзюдо бўйича ўсмирлар терма жамоаси Хорватиянинг Загреб шаҳрида бўлиб ўтган Европа кубогида 6 та медални қўлга киритди, деб хабар беради Kazinform мухбири.

Қозоғистон дзюдо федерацияси матбуот хизмати хабарига кўра, миллий терма жамоа Европа очиқ кубогида 2 та олтин, 1 та кумуш, 3 та бронза медалини қўлга киритиб, медаллар жадвалида бешинчи ўринни эгаллади.

Қозоғистон терма жамоасидан Ерхан Марат (50 кг) ва Сабина Юлдашева (48 кг) мусобақа ғолиби бўлди, Оралбек Байзақ (55 кг) кумуш медални қўлга киритди. Нурсултан Исқақов (60 кг), Едил Ерболули (60 кг) ва Досбол Балғабай (81 кг) эса учта бронза медалини эгаллади.

Мазкур мусобақа Қозоғистон ёшлар терма жамоасининг янги мавсумдаги илк халқаро мусобақаси ҳисобланади.

Фото: Қозоғистон дзюдо федерацияси

Муаллиф: Ғайсағали Сейтақ