Қозоғистоннинг биринчи ракеткаси дунёнинг энг кучли 30 нафар теннисчиси қаторига кирди

NUR-SULTAN. Kazinform – Профессионал теннисчилар уюшмаси (ATP) янгиланган рейтингни эълон қилди, деб хабар беради Kazinform мухбири.
None
None

Қозоғистоннинг биринчи ракеткаси Александр Бублик дунёнинг энг кучли 30 нафар теннисчиси қаторидан жой олди. У 31-ўриндан 30-ўринга кўтарилиб, ўз рекордини қўлга киритди.

Михаил Кукушкин 168 дан 166 га, Дмитрий Попко эса 180 дан 178 га кўтарилди.

Рейтингда ҳамон сербиялик Новак Жокович пешқадамлик қилмоқда, россиялик Даниил Медведев иккинчи ва германиялик Александр Зверев учинчи ўринни эгаллаб турибди.

Жуфтликлар баҳсида Андрей Голубев 31-дан 34-га, А.Бублик 67-дан 72-га, Александр Недовесов эса 68-дан 63-га тушиб кетди.

Аёллар ўртасида австралиялик Эшли Барти, беларуслик Арина Соболенко ва чехиялик Барбора Крейчикова кучли учликдан жой олди.

Қозоғистоннинг биринчи ракеткаси Елена Рибакина 16-ўриндан 20-ўринга, Юлия Путинцева 42-ўриндан 39-ўринга, Зарина Диас 114-ўриндан 113-ўринга кўтарилди.

Жуфтлик баҳсларида Анна Данилина ўз рекордини давом эттирмоқда. Бу сафар у 23-ўриндан 22-ўринга кўтарилди. Е.Рибакина 51-ўриндан 48-ўринга кўтарилди.

Агар қозоғистонлик теннисчилар ушбу ҳафтадаги баҳсларда муваффақият қозонишса, ўз рейтингини янада ошириши мумкин бўлади.


Муаллиф: Елжан Ерали

Сўнгги хабарлар