Қозоғистоннинг 9 та ҳудудида огоҳлантириш эълон қилинди: кучли ёмғир, момақалдироқ, дўл бўлиши кутилмоқда

NUR-SULTAN. Кazinform – 4 май куни «Қазгидромет» бир қатор ҳудудларда ноқулай об-ҳаво муносабати билан огоҳлантириш эълон қилди, деб хабар беради Kazinform.

Алматида 4 май куни кечқурун ва 5 май кечаси кучли ёмғир ёғиши кутилмоқда. 4 май куни эрталаб ва кундузи, 5 май куни кечаси момақалдироқ бўлиши мумкин. 5 май куни дўл ёғади. Шамол шимоли-шарқдан эсади, момақалдироқ пайтида тезлиги 15-20 м/с гача кучаяди.

Қарағанди вилоятининг шарқи ва марказида момақалдироқ бўлиши кутилмоқда. Шамол шимоли-шарқдан, шарқдан секундига 15-20 м/с тезликда эсади, вилоятнинг шимол, шарқ ва марказида шамол эсади.

Кундуз Ақмола вилоятининг жануби-ғарбий қисмида момақалдироқ бўлиши кутилмоқда. Шамол шарқдан, жануби-шарқдан секундига 15-20 метр тезликда эсади.

Туркистон вилоятининг тоғ ва тоғ олди ҳудудларида кучли ёмғир ёғиши кутилмоқда. Вилоятнинг шимоли, жануби ва ғарбида, тоғли ва тоғ олди ҳудудларида момақалдироқ, довул бўлади, дўл ёғиши кутилмоқда. Шамолнинг тезлиги жануби-ғарбдан шимоли-ғарбга, момақалдироқ пайтида 17-22 м/с тезликда эсади.

Чимкентда кечаси кучли ёмғир ёғади. Вақти-вақти билан момақалдироқ ва довуллар бўлиши кутилмоқда. Шамолнинг тезлиги жануби-ғарбдан шимоли-ғарбга ўтади, момақалдироқ пайтида 17-22 м/с тезликда эсади.

Қизилўрда вилояти шарқида момақалдироқ ва довул бўлиши кутилмоқда.

Нур-Султанда шамол шарқдан, жануби-шарқдан эсади, тезлиги 15-20 м/с гача кучаяди.

Қостанай вилоятининг жанубида момақалдироқ бўлади, шарқдан 15-20 м/с тезликда шамол эсади.

Жамбил вилоятида кучли ёмғир ёғиши кутилмоқда. 4—6 май кунлари вилоятнинг шимолий, жанубий ва тоғли ҳудудларида момақалдироқ, дўл, довул бўлиши мумкин. 4 май куни шамол баъзан 25 м/с гача кучайиши мумкин.

Бундан ташқари, 4-5 май кунлари Туркистон ва Жамбил вилоятларида, 4-6 май кунлари Алмати вилоятининг тоғли ҳудудлари ва Алмати шаҳри чеккасида оқава сувлар кўпайиши, дарёларда сув сатҳи кўтарилиши мумкин.