Қозоғистоннинг 4 та шаҳрида ҳаво сифати ёмонлашади

27 ноябрь куни Қозоғистон ҳудудининг аксарият қисмида қулай метеорологик шароит сақланиб туради, деб хабар беради Кazinform.

“Қазгидромет” РДК матбуот хизмати тарқатган маълумотга кўра, 27 ноябрь, душанба куни республиканинг аксарият шаҳарларида метеорологик вазият барқарор бўлади.

Фақат Алмати, Ўскемен, Семей, Риддер шаҳарларида ҳаво сифати ёмонлашади.

Ноқулай метеорологик шароитлар - атмосфера ҳавосининг сирт қатламида зарарли моддаларнинг концентрациясига ёрдам берадиган қисқа муддатли метеорологик омиллар (булутли об-ҳаво, енгил шамол, туман, инверсия) мажмуи.

Ноқулай метеорологик шароитлар ҳолатида аҳоли пунктларида атмосфера ҳавосининг сифати ёмонлашиши мумкин.