Қозоғистоннинг 15 та ҳудудида ижобий ўсиш суръатлари қайд этилди

NUR-SULTAN. Kazinform – Қозоғистоннинг 15 та ҳудудида ижобий ўсиш суръатлари қайд этилди. Бу ҳақда Ҳукумат йиғилишида ҚР Миллий иқтисодиёт вазири Алибек Қуантиров маълум қилди, деб хабар беради Kazinform мухбири.

«Ишлаб чиқариш саноатида динамик ўсиш тенденцияси кузатилмоқда. Жорий йилнинг январ-феврал ойларида ишлаб чиқариш ҳажми 3,9 фоизга ошди. 15 та ҳудудда ижобий ўсиш суръатлари қайд этилди. Энг юқори ўсиш Атирау ва Шимолий Қозоғистон вилоятларида, шунингдек, Алматида кузатилмоқда», - деди у.

Вазирнинг сўзларига кўра, машинасозлик саноатининг 9,2 фоизи, жумладан, автомобилсозлик – 10,2, вагонлар ва локомотив ишлаб чиқариш – 24, қурилиш материаллари – 2,1, тайёр металл маҳсулотлари – 4,4, пластмасса буюмлари – 8, 7, фармацевтика маҳсулотлари – 17,0 фоиз, ичимликлар - 16,5 фоиз, кийим-кечак ишлаб чиқариш - 12,8 фоизга ошди.

«Тоғ-кон саноатида маҳсулот ишлаб чиқариш 6,4 фоизга ўсди. Саноат бўйича ўсиш хом нефт қазиб олиш – 9,2 фоиз, газ қазиб олиш – 8,9 фоиз, бошқа фойдали қазилмаларни қазиб олиш – 7,2 фоиз, тоғ-кон саноати хизматлари – 6,2 фоиз, металл рудасини қазиб олиш – 1,2 фоизни ташкил этди. Кўмир қазиб олишда салбий тенденция кузатилмоқда», - деди Алибек Қуантиров.

Муаллиф: Марлан Жиембай