Қозоғистонликлар жиу-житсу бўйича АҚШда ўтказилган халқаро турнирда ғолиб бўлишди

ALMATY. Kazinform – Жиу-житсу бўйича жаҳон чемпионлари Самат Айтпанбет ва Жибек Қулимбетова АҚШнинг Флорида штати Киссимми шаҳрида бўлиб ўтган «Orlando International Open» халқаро турнирида ғолиб бўлди, дея хабар беради Kazinform.

Жиу-житсу ва грэпплинг бўйича етти карра жаҳон чемпиони 16 ёшли Жибек Қулимбетова «Gi» ва «No GI» тоифаларида иккита олтин медални, жиу-житсу бўйича жаҳон чемпиони Самат Айтпанбет ҳам қора белбоғлар ўртасида иккита – олтин (Gi) ва бронза (No GI) медалларини қўлга киритди.

Мазкур мусобақа доирасида болалар ўртасида «Pan Kids Jiu Jitsu» деб номланган турнир ўтказилди. У ерда қозоғистонликлар учта олтин ва учта бронза медалини қўлга киритди. Булар Қазбек Тажибай, Таймас Салимов, Малика Салимова, Айша Ерланқизи, Шинғис Аблюкат, Алиби Камаладдин, Аибат Олжатай. Уларнинг барчаси Сағадат Нурмағамбетов номидаги клуб ва Алмати вилояти AIGA грэпплинг жамоаси спортчиларидир.