Қозоғистонликлар XIX Халқаро Жаутиков олимпиадасида 66 та медални қўлга киритди

ASTANА. Кazinform – 10 кун давомида математика, физика ва информатика бўйича ўтказилган мусобақаларда 26 мамлакатдан 281 жамоа иштирок этди. Қозоғистондан 250 нафар ўқувчидан иборат 35 жамоа беллашди. Бу ҳақда Kazinform Таълим-маориф вазирлиги матбуот хизматига таяниб хабар беради.

Анъанавий халқаро Жаутиков олимпиадасида Қозоғистон, Озарбайжон, Ўзбекистон, Россия, Грузия, Руминия, Сербия, Украина, Ҳиндистон, Туркия, Буюк Британия ва бошқа мамлакатларнинг ихтисослаштирилган физика-математика мактабларидан 1200 нафардан ортиқ ўқувчи иштирок этди.

Қозоғистон ўқувчилари ХIХ халқаро Жаутиков олимпиадасида 66 та медаль, жумладан, 6 та олтин, 20 та кумуш ва 40 та бронза медалини қўлга киритди. Ғолибларга мамлакатнинг етакчи олий таълим муассасаларининг нуфузли совғалари ва таълим грантлари топширилди.

– Халқаро Жаутиков олимпиадаси ўқувчилар орасида машҳур бўлди. Олимпиада давомида иштирокчилар мураккаб математик муаммоларни ҳал қилишади. Бундай интеллектуал беллашувлар нафақат уларнинг билимини чуқурлаштиради, балки болаларни жамоада ишлашга, дўстона муносабатлар ўрнатишга ўргатади», — деди РФММ бошқаруви раиси Руслан Қалиев.

Эслатиб ўтамиз, олимпиада Республика физика-математика мактаби базасида ўтказилди.

Фото: instagram.com/oqu_agartu_ministrligi