Қозоғистонликлар қайси давлатларда таълим олишни афзал кўришади
ASTANA. Kazinform - ҚР Фан ва олий таълим вазири Саясат Нурбек қозоғистонлик ёшлар таълим олишни танлаган давлатларни номлади, деб хабар беради Kazinform мухбири.
“Ўқувчиларимизнинг аксарияти Россияда – 60 мингга яқин талаба таҳсил олади. “Болашақ” дастури доирасида 1 мингга яқин қозоғистонлик Буюк Британия ва АҚШда таҳсил олмоқда», - деди вазир Марказий коммуникациялар хизматида бўлиб ўтган брифингда.
Саясат Нурбек, шунингдек, Гонконг ва Жанубий Корея университетлари Қозоғистондан талабаларни фаол жалб қилаётганини қўшимча қилди.
«Жанубий Кореяда мингга яқин талаба, Гонконгда 500 га яқин талаба таҳсил олади. Европа давлатлари ва АҚШда катта йўналиш – ҳаммасини ҳисобласак – 80 мингга яқин талабаларимиз хорижда таҳсил олишади”, - деди вазир.
Муаллиф: Карина Кущанова
