Қозоғистонликлар автомобиллар давлат номеридаги ҳарфларни танлашлари мумкин бўлади

ASTANА. Кazinform - Энди Қозоғистонда автомобиль эгалари давлат рақамининг исталган ҳарфини танлаши мумкин бўлади. Бу ҳақда Рақамли ривожланиш, инновациялар ва аэрокосмик саноат вазири Бағдат Мусин маълум қилди, дея хабар беради Кazinform.

«Энди қозоғистонликлар электрон ҳукумат портали ва eGov Моbile иловаси орқали чиройли рақамларга буюртма беришлари мумкин. Мен ҳозир нима бўлаётганини биламан ва менга баъзи каналлар орқали чиройли рақамга буюртма бериш мумкинлиги ҳақида маълумот келади. Шу боис, биз автомобиль рақамлари дизайнери хизматини жорий этиш масаласи устида ишлаяпмиз. Ушбу функция ёрдамида мижоз ўзи учун рақамнинг исталган ҳарфини танлаши мумкин. Масалан, исмингизнинг биринчи учта ҳарфи. Бизда ушбу хизматга талаб катта», — деди вазир ўзининг Теlegram-каналида.

Бағдат Мусин, шунингдек, бундай хизматни амалга ошириш учун талаб юқори бўлган рақамлар рўйхатини кўпайтиришни қонуний равишда тасдиқлаш зарурлигини маълум қилди.

«Бу борада биз Парламентдан ёрдам оламиз деб умид қиламиз. Бундай рақамларни сотиш орқали бюджетга қўшимча маблағ олиб келган бўлардик», — дея хулоса қилди у.