Қозоғистонликлар 2024 йилда қандай муҳим спорт тадбирларини томоша қилишади
Янги йилда йирик спорт мусобақаларин IV қишки ўсмирлар Олимпия ўйинлари очади. Бу ҳақда Kazinform ҚР Туризм ва спорт вазирлигига таяниб хабар беради.
2024 йил 19 январдан 1 февралгача Канвондо шаҳрида (Жанубий Корея) бўлиб ўтадиган IV қишки ўсмирлар Олимпия ўйинларида Қозоғистон спортчилари ҳам иштирок этади. Айни пайтда терма жамоа ҳисобида 5 та спорт тури (10 та йўналиш) бўйича 30 та лицензия (42 спортчи) мавжуд.
Бу йилги асосий воқеани - Париждаги ёзги Олимпия ўйинлари деб аташ мумкин. Ушбу мусобақа 26 июлдан 11 августга қадар 205 давлатдан 10 мингдан ортиқ спортчи иштирокида бўлиб ўтади. Тўрт йил давомида ўтказиладиган мусобақада 32 спорт туридан 329 та медаллар жамланмаси баҳоланади. Қозоғистон терма жамоаси спортнинг 20 та тури бўйича иштирок этишни режалаштирган. Бугунги кунда қозоғистонликлар спортнинг 8 тури (камондан отиш, велоспорт, ўқ отиш, замонавий бешкураш, юнон-рум кураши, эркин кураш, спорт гимнастикаси ва бокс) бўйича 17 та лицензияга эга. Олдинда 90 га яқин лицензия пойгалари бор. Шунинг учун ҳали ҳам йўлланмалар сонини ошириш имконияти мавжуд.
Астана шаҳрида (2024 йил 8-14 сентябрь) V Бутунжаҳон кўчманчилар ўйинларининг ташкил этилиши ва ўтказилиши Қозоғистон учун йилнинг муҳим тарихий воқеасидир. Қозоғистонга дунёнинг 100 дан ортиқ давлатидан делегациялар келиши кутилмоқда. Ўйинларнинг ўзига хослиги спорт, маданий ва илмий дастурларнинг уйғунлигидир. Дастурга 20 та рақобатбардош ва 10 та кўргазмали спорт турлари киритилган бўлиб, 110 та медаллар тўплами ўйналади. Мусобақа от спорти, миллий кураш, камондан отиш, қушлар билан ов қилиш, анъанавий интеллектуал ўйинлар бўйича ўтказилади.
Бу йил Астана шаҳрида бокс бўйича аёллар ўртасида жаҳон чемпионати бўлиб ўтади. Бу ҳақда Халқаро бокс ассоциациясининг (ХБА) Тошкентда (Ўзбекистон) бўлиб ўтган расмий йиғилишида маълум қилинди.
IBA федерацияси президентининг сўзларига кўра, турнирнинг умумий соврин жамғармаси 4,8 миллион долларни ташкил этади. Бокс бўйича жаҳон чемпиони 200 000 доллар олади.
Шунингдек, 2024 йилнинг ноябрь ойида Астана шаҳрида самбо бўйича жаҳон чемпионати ўтказилиши режалаштирилган.
Ўтган йилнинг кузида Ереванда бўлиб ўтган самбо бўйича 48-жаҳон чемпионатида 65 давлат иштирок этди ва Қозоғистон терма жамоаси 1 та олтин, 2 та кумуш ва 5 та бронза медаль билан учинчи ўринни эгаллади.
