Қозоғистонлик ёш теннисчи Европанинг энг яхши ўйинчиси деб топилди
ASTANА. Кazinform — Қозоғистонлик 14 ёшли Ансар Ниетқалиев Европа теннис ассоциацияси (Tennis Europe Tour) томонидан “Йилнинг энг яхши хорижлик ўйинчиси” деб топилди.
Қозоғистон теннис федерацияси маълумотларига кўра, Ансар Европа Иттифоқига аъзо эмас давлатлар ўртасида пешқадамлик қилди.
Жорий йилда юқори натижаларга эришган А.Ниеткалиев ТE рейтингида йилни 41-ўринда якунлади.
Жорий мавсумда қозоғистонлик теннисчи яккалик баҳсларида Soul Cup (Istanbul, Türkiye, иккинчи тоифа), Ankara Cup (Ankara, Türkiye) ва Ergan Cup (Erzincan, Türkiye, учинчи тоифа) турнирларида ғолиб чиқди. Жуфтликда икки марта Soul Cup (Istanbul) ғалаба қозонди. Шунингдек, ТE турнирининг яккалик баҳсларида икки марта финалга чиқди.
Астана теннис мактаби вакили Ансар Ниетқалиевнинг шахсий мураббийи Муҳамадамин Эрматов.
Илгари Зара Даркен 2021 йилда, Занғар Нурланули 2022 йилда, Ева Коришева ва Даниэль Тазабеков 2023 йилда ушбу номинацияда тақдирланган эди.
Эслатиб ўтамиз, аввалроқ Елена Рибакина Дубайдаги жаҳон турнирида ғолиб чиққани ҳақида хабар берган эдик.
Жибек Қуламбаева жаҳон рейтингида 23 поғонага кўтарилди.
