Қозоғистонлик ёш оғир атлетлар Осиё чемпионатида 7 та олтин медални қўлга киритди
ASTANA. Kazinform — Қозоғистон терма жамоаси ўсмирлар ўртасидаги Осиё чемпионатини еттита олтин медаль билан якунлади, деб хабар беради ҚР Миллий олимпия қўмитаси матбуот хизмати.
Ўзбекистоннинг Тошкент шаҳрида оғир атлетика бўйича ўсмирлар ва ёшлар ўртасидаги Осиё чемпионати якунланди.
Мусобақа якунларига кўра, Қозоғистон терма жамоасининг натижалари қуйидагича:
Ўсмирлар
Снежана Кашкарова (57 кг гача), Ксения Прозорова (61 кг гача), Бейбарис Ерсейит (65 кг гача), Нуржан Жумабай (95 кг гача) олтин медални қўлга киритди.
Төрехан Асанхан (70 кг гача) кумуш медаль соҳиби бўлди.
Нурсийла Берикбол (57 кг гача) ва Софья Шешукова (77 кгдан юқори) учинчи ўринни эгаллади.
Ёшлар
Снежана Кашкарова (57 кг гача), Аянат Жумағали (77 кг гача), Ақжол Қурманбек (85 кг гача) олтин медаль билан тақдирланди.
Софья Шешукова (86 кгдан юқори) кумуш медаль соҳиби бўлди.
Бейбарис Ерсейит (65 кг гача), Ерасил Саулебеков (85 кг гача) ва Алихан Аскербай (95 кг гача) бронза медалларини қўлга киритди.
