Қозоғистонлик ўқувчилар Болқон ярим оролининг энг кучли уч нафар ёш математиклари қаторига кирди
ASTANA. Kazinform - Болгариянинг Варна шаҳрида 41-чи Болқон математика олимпиадаси (BMO) якунланди. Унда 22 давлатдан 130 дан ортиқ иштирокчи қатнашди. Натижада қозоғистонлик мактаб ўқувчилари умумжамоа ҳисобида учинчи ўринни қўлга киритди, дея хабар беради Kazinform агентлиги ҚР Таълим-маориф вазирлиги матбуот хизматига таяниб.
Қозоғистон терма жамоа ҳисобида 1 та олтин, 3 та кумуш ва 2 та бронза бор.
“Олтин”ни Қостанай шаҳридаги “Билим-инновацион” мактаб-лицейининг 11-синф ўқувчиси Жан Даутов қўлга киритди;
“Кумуш”ни Алмати шаҳридаги Республика физика-математика мактабининг 10-синф ўқувчиси Амирлан Аманжолов, Алмати шаҳридаги Haileybury Almaty мактабининг 12-синф ўқувчиси Мирон Юркевич, ҳамда Тараз шаҳридаги “Билим-инновация” мактаб-лицейининг 10-синф ўқувчиси Марғулан Шареллар қўлга киритди;
"Бронза" медали эса Алмати шаҳридаги Республика физика-математика мактабининг 10-синф ўқувчиси Тимур Мурат, ҳамда Алмати шаҳридаги Республика физика-математика мактабининг 10-синф ўқувчиси Амир Сахиповларга насиб этди.
Халқаро Болқон математика олимпиадаси - тажриба орттириш ва Қозоғистон терма жамоасини жорий йил 11-24 июль кунлари Буюк Британияда бўлиб ўтадиган Халқаро математика олимпиадасида (IМO) иштирок этишга тайёрлашнинг муҳим босқичларидан биридир.
