Қозоғистонлик ўқувчилар баҳорги таътилда неча кун дам олишади
ASTANА. Кazinform — Учинчи чорак якунланишига саноқли кунлар қолди. Баҳорги таътил даври ўн бир кун, 2025 йил 21 мартдан 2025 йил 31 мартгача давом этади.
Таълим-маориф вазирлиги матбуот хизматининг маълум қилишича, мактаб ўқувчиларининг баҳорги таътил даврида бўш вақтларини самарали ўтказиш, уларнинг шахсий фазилатларини шакллантириш мақсадида “Интеграциялашган таълим” дастури доирасида чора-тадбирлар режаси ишлаб чиқилди. 1-4, 5-9, 10-11-синф ўқувчилари учун ҳам қўлланма ишлаб чиқилган. Унда дам олиш кунлари Наврўзноманинг ўн кунлиги муносабати билан , жамият ҳаётининг муҳим жиҳатлари: оилавий қадриятлар, маданият, миллий анъаналар, хайрия, спортга эътибор қаратилди. Мактабларда бир қатор маърифий, спорт, маданий ва ижодий тадбирларни ўтказиш режалаштирилган:
* театр фестиваллари ва томошалар;
* маҳорат дарслари;
* хавфсизлик дарслари;
* музейлар, фан марказлари ва тарихий обидаларга ўқув экскурсиялари;
* спорт ўйинлари;
* хайрия тадбирлари ва бошқа тадбирлар.
— Энг муҳими, болалар хавфсизлигини таъминлаш. Шу мақсадда йўл-транспорт ҳодисаларининг олдини олиш, мактаб интизомини сақлаш, кўчаларда болалар хавфсизлигини таъминлаш, уйда ёнғин хавфсизлигини таъминлаш, киберхавфсизликни таъминлашга алоҳида эътибор қаратилади, — дейилади вазирлик хабарида.
Таъкидлаш жоизки, мазкур чора-тадбирлар услубий тавсия сифатида таълим ташкилотларига йўналтирилган.
Эслатиб ўтамиз, аввалроқ қозоғистонлик депутат ўқувчиларнинг ChatGPTдан фойдаланишини чеклаш керак деган эди.
