Қозоғистонлик теннисчиларнинг Билли Жин Кинг кубогидаги рақиблари аниқланди

NUR-SULTAN. Kazinform – Лондонда Билли Жин Кинг кубогининг сўнгги гуруҳ босқичига қуръа ташлаш маросими бўлиб ўтди, деб хабар беради Кazinform мухбири.

Қозоғистон теннис федерацияси хабарига кўра, мамлакат аёллар терма жамоаси С гуруҳидан жой олди.

Қозоғистонлик теннисчилар корт эгаси – Буюк Британия, шунингдек, Испания терма жамоаси билан ўйнайди.

Машҳур мусобақа 8-13 ноябр кунлари Шотландиянинг Глазго шаҳрида бўлиб ўтади.

Қозоғистон аёллар терма жамоаси (капитан Ярослава Шведова) жорий йилнинг апрел ойида пойтахтда ўтказилган жамоалар ўртасидаги жаҳон чемпионатининг саралаш босқичида германиялик теннисчиларни мағлуб этиб, ўз тарихида илк бор Билли Жин Кинг кубоги финал босқичига йўлланма олди.

Эслатиб ўтамиз, аввалроқ Қозоғистон терма жамоаси етакчиси Елена Рибакина илк бор Уимблдон турнири финалига чиққан эди.

Давлат раҳбари Рибакинани ғалабаси билан табриклади.

Фото: ktf.kz

Муаллиф: Елжан Ерали