Қозоғистонлик теннисчилар жаҳон рейтингида шахсий рекордини қўлга киритишди

NUR-SULTAN. Kazinform – Қозоғистонлик теннисчилар Андрей Голубев ва Григорий Ломакин жаҳон рейтингида шахсий рекордини қўлга киритди, деб хабар беради Kazinform мухбири.

Қозоғистон теннис федерациясидан маълум қилишларича, Андрей Голубев жуфтлик баҳсларида 24-ўринни эгаллади. У фаолияти давомида ҳеч қачон бундай зинапояга чиқмаган эди.

Яна бир қозоғистонлик, ўтган ҳафта Колумбиядаги турнирнинг жуфтлик баҳсларида финалгача етиб борган Григорий Ломакин дарҳол 48 очко билан ортда қолди. У ҳозирда 265-ўринни эгаллаб турибди.

Қозоғистоннинг биринчи ракеткаси Александр Бублик яккалик баҳсларида 37, Михаил Кукушкин 160-ўринни эгаллаб турибди.

Дмитрий Попко 175 дан 169 гача кўтарилди. Тимофей Скатов 193, Денис Евсеев 341, Бейбит Жукаев 509-ўринни эгаллаб турибди.

Қозоғистоннинг биринчи аёллар ракеткаси Елена Рибакина 18-ўринни эгаллаган бўлса, Юлия Путинцева 47-ўриндан 46-ўринга кўтарилди. Зарина Диаз 112-дан 113-га тушиб кетди.

Жуфтлик баҳсларида Анна Данилина 21, Жибек Қуламбаева 302-ўринни эгаллаб турибди.