Қозоғистонлик теннисчи Пуэрто-Рикодаги мусобақани ғалаба билан бошлади

ASTANA. Kazinform - Дунёнинг 256-ракеткаси, қозоғистонлик Бейбит Жуқаев Пальмес дель Мар (Пуэрто-Рико) челленджер турнирини ғалаба билан бошлади, деб хабар беради Kazinform мухбири.

Қозоғистонлик теннисчи биринчи даврада жаҳон рейтингида 242-ўрин, ушбу мусобақанинг 6-ракеткаси бўлган япониялик Юта Шимизу билан маҳорат кўрсатди.

Бейбит Жуқаев рақибини 6:3, 6:4 ҳисобида мағлуб этди.

Бир соату 20 дақиқа давом этган мусобақада Бейбит 8 та брейк-пойнтдан 3 тасини ва 5 та эйсдан фойдаланди.

Б.Жуқаев чорак финалга чиқиш учун америкалик Эван Чжу ёки норвегиялик Виктор Дурасович билан куч синашади.

Яна бир қозоғистонлик Денис Евсеев эса бразилиялик Жоао Лукас Реис Да Сильвага қарши кечган баҳсда мағлуб бўлди – 7:5, 4:6, 5:7.

Эслатиб ўтамиз, аввалроқ Елена Рибакина расман дунёнинг учинчи ракеткаси деб топилгани ҳақида ёзган эдик.

Муаллиф: Ғайсағали Сейтақ