Қозоғистонлик теннисчи Елена Рибакина жаҳон рейтингида 17-ўринга кўтарилди

NUR-SULTAN. Кazinform - Аёллар теннис ассоциацияси (WТА) янгиланган рейтингни эълон қилди, дея хабар беради Кazinform мухбири.

Қозоғистон теннис федерацияси маълумотларига кўра, терма жамоа етакчиси Елена Рибакина жаҳон рейтингида 18-ўриндан 17-ўринга кўтарилган.

Юлия Путинцева ҳам 44-ўриндан 40-ўринга кўтарилди. Зарина Диас 116-ўриндан 134-ўринга тушиб кетди.

Жуфтлик баҳсларида Анна Данилина - 20, Жибек Қуламбаева - 302, Гўзал Айнитдинова 423-ўринни эгаллаб турибди.

Бугун Путинцева Римда WТА 1000 турнирининг биринчи даврасида дунёнинг 85-ракеткаси словениялик Кая Жуванга қарши кортга чиқади.

Е.Рибакина жаҳон рейтингида 146-ўринни эгаллаб турган россиялик Элина Аванесян билан куч синашади.

Қозоғистоннинг эркаклар ўртасидаги биринчи ракеткаси Александр Бублик жаҳон рейтингида 33-ўриндан 41-ўринга тушиб кетди. Михаил Кукушкин 165 ўриндан 163 ўрингача кўтарилди. Дмитрий Попко - 182, Тимофей Скатов - 193, Денис Евсеев - 337, Бейбит Жукаев 490-ўринни эгаллаб турибди.

Жуфтликлар баҳсида Андрей Голубев - 25, Александр Недовесов - 60, Григорий Ломакин 249-ўринни эгаллади.

А.Бублик бугун Рим Мастерс турнирида дунёнинг 59-ракеткаси америкалик Маркос Чирон билан куч синашади.

Аввалроқ қозоғистонлик Юлия Путинцева Римдаги асосий турнирга йўлланма олгани ҳақида хабар берган эдик.

Муаллиф: Елжан Ерали