13:15, 21 Февраль 2022 | GMT +5
Қозоғистонлик теннисчи Анна Данилина жаҳон рейтингида рекордларни янгилашда давом этмоқда
NUR-SULTAN. Кazinform - Аёллар теннис ассоциацияси (WТА) яккалик ва жуфтлик рейтингининг янгиланган версиясини тақдим этди, дея хабар беради Кazinform Sports.kz га таяниб.

Кучли учликка ҳамон австралиялик Эшли Барти, беларуслик Арина Соболенко ва чехиялик спортчи Барбора Крейчикова киради.
Қозоғистоннинг биринчи ракеткаси Елена Рибакина тўрт поғонани бой бериб, 20-ўринни эгаллади. Юлия Путинцева уч поғона юқорилаб, 39-ўринга кўтарилди. Зарина Дияс ўз позициясини бир поғона яхшилади - 113-ўрин.
Жуфтлик баҳсларида биринчи ва иккинчи ўринларни мос равишда Катерина Синякова ва Барбора Крейчикова (иккаласи ҳам чехиялик) эгаллаган, бельгиялик Элиза Мертенс учинчи ўринга кўтарилди.
Қозоғистонлик теннисчи Анна Данилина рейтингдаги шахсий рекордини яна янгилаб, 23-ўриндан 22-ўринга кўтарилди.