Қозоғистонлик спортчилар ўқ отиш бўйича Осиё чемпионатида учта медални қўлга киритди

Қозоғистонликлар Қувайтда ўқ отиш бўйича Осиё чемпионатида учта медални қўлга киритди, деб хабар беради Kazinform Қозоғистон ўқ отиш спорти федерацияси матбуот хизматига таяниб.

“Аёллар тоифасида «трап» машқи финалининг шахсий баҳсларида Мария Дмитриенко (Чимкент ш.) бронза медалини қўлга киритди.

Қозоғистон терма жамоаси ўсмирлар тоифасида «трап» машқи бўйича жамоавий баҳсларда олтин медални қўлга киритди, жамоа таркибида Никита Моисеев (Чимкент ш.), Богдан Конченко (Чимкент ш.), Никита Чикулаев (Алмати ш.) бор.

Мария Дмитриенко (Чимкент ш.), Анастасия Прилепина (Чимкент ш.), Айжан Досмағамбетова (Қизилўрда вилояти)дан иборат «трап» машқининг умумжамоавий баҳсларида аёллар терма жамоаси бронза медалини қўлга киритди”, – деб хабар берди федерация.

Лицензияланган Осиё чемпионатида саккизта олимпия квотаси ўйналади, ҳар бир олимпия машқига иккитадан квота ажратилади.

Қозоғистон терма жамоасидан 18 нафар спортчи қатнашмоқда.