Қозоғистонлик спортчилар Осиё чемпионатида тўртта медални қўлга киритди
ASTANA. Kazinform – Дубайда (БАА) ўтказилаётган енгил атлетика бўйича 20 ёшгача бўлган спортчилар ўртасидаги Осиё чемпионатида қозоғистонлик спортчилар 4 медални қўлга киритди.
Қозоғистон Республикаси енгил атлетика федерацияси хабарига кўра, Фаина Мейирманова баландликка сакраш бўйича Осиё чемпионатининг кумуш медали соҳибига айланди. У 1 метр 76 сантиметр билан шахсий рекордини янгилади.
Қизлар ўртасида таяниб сакраш баҳсларида Анна Черкашина кумуш медални қўлга киритди. Шу билан бирга, яна бир қозоғистонлик Иван Сенин кучли учликка кирди.
Шунингдек, Мария Шувалова қизлар ўртасида 400 метрга югуришда бронза медалини қўлга киритди.
Эслатиб ўтамиз, мазкур Осиё чемпионати 24 апрель куни старт олганди. Қитъа миқёсидаги мусобақага 30 дан ортиқ давлат вакиллари тўпланишди. Қозоғистон шарафини жами 42 нафар спортчи ҳимоя қилмоқда.
Чемпионат 27 апрель куни якунланади.
