Қозоғистонлик спортчи Таиланддаги турнирда бронза медалини қўлга киритди

ASTANA. Kazinform – Таиланднинг Канчанабури вилоятида маунтинбайк бўйича Thailand Cup турнири бўлиб ўтди ва қозоғистонлик спортчи Алина Саркулова бронза медални қўлга киритди.

Қозоғистон Республикаси Туризм ва спорт вазирлиги спортни ривожлантириш бошқармаси матбуот хизмати хабарига кўра, ушбу мусобақада Қозоғистон терма жамоаси спортчилари иштирок этиб, 1 та совринни қўлга киритди.

Аёллар ўртасида Алина Саркулова 3-ўринни эгаллаб, бронза медали соҳибига айланди. Яна бир қозоғистонлик спортчи Татьяна Генеоева 6-ўринни эгаллади.

Қайд этиш жоизки, икки кун давом этган халқаро турнирда бу йил 7 давлатдан спортчилар куч синашди.