Қозоғистонлик рассом Испанияда ўтказилган халқаро танловнинг биринчи совринини қўлга киритди
Атираулик рассом Назерке Ишчанова Испанияда ўтказилган халқаро танловнинг биринчи совринини қўлга киритди. У тақдирлаш маросимига таклифнома олгани ҳақида Kazinform хабар беради.
Назерке Ишчанова “Атирау-Ақпарат” МЧЖда босмахона дизайнери бўлиб ишлайди. Электрон ручка ёрдамида планшетда турли расмлар чизилади. У ўз ишини шу йилнинг сентябрь ойида Испанияда ўтказилган "Уси Дали" рассомлар танловининг «Digital Painting» номинациясига юборди.
“Ушбу танловда дунёнинг 60 давлатидан 150 нафар ижодкор иштирок этди. 26-35 ёшдаги номзодлар гуруҳига «Все начинается с инициативы одного человека» номли расмимни юбордим. Октябрь ойининг бошида расм текширилгани ва танловга қабул қилингани ҳақида хабар олдим. Кеча эса халқаро танлов натижаларига кўра биринчи совринни қўлга киритганимни эълон қилишди”, – дейди Назерке Ишчанова.
Халқаро танловнинг тақдирлаш маросими келаси йилнинг март-апрель ойларида Испаниянинг Косто-Брава курорт ҳудудида бўлиб ўтади. Атираулик рассом тадбирга таклифнома олди.
Ҳозир унинг шахсий коллекциясида 50 дан ортиқ тарихий суратлар мавжуд. Тарихий асарларни мутолаа қилишни, халқ қаҳрамонлари, Алаш зиёлиларининг ҳаёти ва ижодини ўрганишни яхши кўради.
