Қозоғистонлик полвонлар белбоғли кураш бўйича жаҳон чемпионатида 23 та медални қўлга киритди

ASTANA. Kazinform – Астана шаҳрида «Beeline Arena» спорт мажмуасида белбоғли кураш бўйича эркаклар ва аёллар ўртасида ўтказилган жаҳон чемпионати якунланди, дея хабар беради Kazinform ҚР МСВ спорт қўмитаси матбуот хизматига таяниб.

Матбуот хизмати хабарига кўра, икки кун давом этган мусобақада дунёнинг 30 давлатидан 250 нафарга яқин спортчи иштирок этди.

Умуман олганда, Россия терма жамоаси биринчи ўринда бўлса, Қозоғистон терма жамоаси 6 та олтин, 4 та кумуш ва 13 та бронза медалини қўлга киритиб, 2-ўринни эгаллади. Кучли учликни Туркманистон якунлади.

Мамлакат шарафини 42 нафар спортчи (32 нафар ўғил, 10 нафар қиз) ҳимоя қилди.

Мусобақанинг сўнгги кунги натижалари:

Олтин - Қалмухан Турмаханбет (57 кг), Адилет Шалғинбекули (62 кг), Ақторе Султанбекули (75 кг), Тоқтарбек Айдарбек (90 кг), Бекбол Нурланули (100 кг).

Кумуш – Данияр Кункубаев (68 кг), Эскерхан Осканов (100 кг).

Бронза - Айбек Қазақбаев (62 кг), Рахмет Сапиев (82 кг), Нурсултан Қожагелдули (+100 кг).