Қозоғистонлик олим тиш кариесини операциясиз даволаш технологиясини ихтиро қилди
«Bolashaq» битирувчиси, PhD доктори, биолог-генетик Бауржан Айтуов ва унинг ҳамкасблари шикастланган эмални тиклаш учун аминокислоталардан амелогенин оқсилини сунъий равишда синтез қилди. Унинг сўзларига кўра, агар кариеснинг биринчи босқичида тишга сурилса, бир ой ичида тиш эмали тикланади. Шундай қилиб, дори кариесни бурғулаш ёки жарроҳлик қилмасдан даволашга имкон беради.
Ихтирочининг InnoDent технологияси патентланган. Бугунги кунда ушбу препарат Алмати ва Астана стоматология клиникаларида қўлланилади. У нафақат Қозоғистонда, балки хорижда ҳам қўлланилади.
Дарвоқе, Бауржан Айтуов «Bolashaq» дастури билан Йорк университетида генетика йўналиши бўйича бакалавр даражасини олган. Қозоғистонга қайтгач, Л. Гумилев номидаги Евроосиё миллий университетида ўқишни давом эттирди ва у ерда магистрлик, кейин эса докторлик диссертациясини ҳимоя қилди. 2011-2014 йилларда Назарбоев университетида ишлаган.
Фото: «Халқаро дастурлар маркази» АЖ матбуот хизмати.
