Қозоғистонлик мерганлар Осиё чемпионатида олтин медални қўлга киритди
EL-KUVAYT. KAZINFORM - Қозоғистонлик мерганлар Алишер Айсалбаев ва Мария Дмитренко Қувайт пойтахтида стендда отиш бўйича лицензияли Осиё чемпионатида ғолибликни қўлга киритди.
Спортни ривожлантириш дирекцияси хабарига кўра, трап дастури бўйича жуфтлик баҳсларида Қозоғистон терма жамоаси 140 очко жамғарган.
Эронликлар Муҳаммад Бейранванд ва Марзи Парвареш 137 очко билан иккинчи ўринни эгаллаган бўлса, хитойликлар Юхао Го — Сяоцзинь Ван (136 очко) кучли учликни якунлади.
Кеча Мария Дмитренко яккалик ва жамоавий баҳсларда иккита бронза медалини қўлга киритди.
Ўқ отиш бўйича Осиё чемпионати 22 январга қадар давом этади.
Мазкур мусобақада дунёнинг 35 давлатидан 350 дан ортиқ мерганлар ғолиблик учун куч синашмоқда.
Скит ва трап дастурида Қозоғистондан 18 нафар спортчи чиқиш қилади.
Эслатиб ўтамиз, аввалроқ қозоғистонлик снайпер Осиё чемпионатининг бронза медали билан тақдирлангани ҳақида хабар берган эдик.
