Қозоғистонлик Меиржан Шермахамбет юнон-рум кураши бўйича Осиё чемпиони бўлди

NUR-SULTAN. Kazinform - Қозоғистонлик Меиржан Шермахамбет Мўғулистоннинг Улан-Батор шаҳрида бўлиб ўтаётган Осиё чемпионатида чемпион бўлди, дея хабар беради Kazinform мухбири.

Вазни 67 килограммгача бўлган қозоғистонлик полвон жанубий кореялик Хан Сю Рюнинг заиф томонини топди. У рақибини 4:0 ҳисобида мағлуб этди.

Кореялик курашчи бунгача икки карра жаҳон чемпиони унвонини қўлга киритган эди.

Бу қозоғистонлик полвонларнинг қитъа мусобақаларида қўлга киритган иккинчи олтин медалидир.

Аввалроқ, 19 апрел куни Алимхон Сиздиқов юнон-рум кураши бўйича Осиё чемпионатида олтин медални қўлга киритган эди.

Бугун финал баҳсида Абилайхон Амзеев (72 кг) ва Диас Кален (82 кг) иштирок этади.

Шунингдек, бугун Санжар Серикхан япониялик Такаҳиро Суруда билан куч синашади.

Эслатиб ўтамиз, 19 апрел куни юнон-рум курашида қозоғистонлик полвонлар битта олтин, учта кумуш ва бронза медалларини қўлга киритган эди.

Муаллиф: Адилжан Умбет