Қозоғистонлик ўқувчилар халқаро олимпиадада 97 та медални қўлга киритди
ХVIII Халқаро Жаутиков олимпиадасида қозоғистонлик ўқувчилар 97 та медал, жумладан, 13 та олтин, 21 та кумуш ва 63 та бронза медалини қўлга киритди.
Ғолибларга Astana IТ University ва ҚБТУ каби таълим муассасаларининг махсус мукофотлари ва таълим грантлари топширилди.
Эслатиб ўтамиз, бу йил Халқаро Жаутиков олимпиадасида рекорд даражадаги иштирокчилар қатнашди, аниқроғи, 21 давлатдан 1200 нафардан ортиқ ўқувчи қатнашди. Улар орасида Қозоғистон, Туркия, Россия, Руминия, Норвегия, Ҳиндистон, Болгария, Грузия, Вьетнам, Индонезия, Озарбайжон, Арманистон, Беларусь, Ўзбекистон ва бошқа давлатлар бор. Интеллектуал беллашувда Қозоғистондан 200 нафардан ортиқ ўқувчидан иборат 32 жамоа иштирок этди.
– Халқаро Жаутиков олимпиадаси қозоғистонлик ва хорижлик мактаб ўқувчилари орасида тобора оммалашиб бормоқда. Бу йил танлов иштирокчилари сони 2021 йилга нисбатан 200 кишига кўп бўлди. Олимпиада давомида иштирокчилар математика, физика ва информатика фанларидан мураккаб масалаларни ечиш имкониятига эга бўладилар. Бундай интеллектуал беллашувлар болаларнинг билимини чуқурлаштириш билан бирга, уларни гуруҳ бўлиб ишлашга, дўстона муносабатлар ўрнатишга ўргатади, – дейди Алмати шаҳридаги Республика математика-математика мактаби директори вазифасини бажарувчи Алмас Ордабаев.
Эслатиб ўтамиз, Халқаро Жаутиков олимпиадаси ҚР Таълим ва фан вазирлиги қўллаб-қувватлаши билан Республика физика-математика мактаби базасида ўтди.
