Қозоғистонлик ўқувчилар АҚШда робототехника бўйича ўтказилган жаҳон чемпионатида учта совринни қўлга киритди

ASTANА. Kazinform - Қозоғистон мактаб ўқувчилари АҚШнинг Хьюстон шаҳрида бўлиб ўтган FIRST World Championship чемпионатида бирданига учта номинацияни қўлга киритди, дея хабар беради Каzinform Қозоғистон Республикаси Таълим-маориф вазирлиги матбуот хизматига таяниб.

Алматилик Adeptus Mechanicus жамоаси 6 ёшдан 10 ёшгача бўлган энг ёш тоифадаги юқори иштиёқ, ҳамкорлик руҳи ва ўзаро ҳурмат учун махсус «Core Values Award»га сазовор бўлди. Улар бошланғич синф ўқувчиларидан иборат эди. Уларнинг лойиҳаси тақдим этилган барча инновацион лойиҳалар ва техник ишланмалар орасида энг яхшиларидан бири деб топилди.

LEAS компаниясининг Play 4 Energy жамоаси 10 ёшдан 16 ёшгача бўлган ўсмирлар тоифасидаги «Robot Design Award» юқори техник мукофотини қўлга киритди. Улар мукаммал дастурлаш ва муҳандислик кўникмаларини намойиш этиб, мураккаб вазифаларни бажариш қобилиятига эга бўлган жуда бардошли ва самарали роботни яратишди.

12 ёшдан 18 ёшгача бўлган катталар тоифасидаги «Motivate Award Finalist» олий ҳакамлик мукофоти Алмати РФММнинг AENTA жамоасига топширилди. Ажойиб роботларни яратиш ва ўйнашдан ташқари, йигитлар STEM маданиятини фаол равишда тарғиб қилишади ва ўз мактабларида FIRST тамойилларни амалга оширадилар. Халқаро ҳакамлар ҳайъати аъзолари таъкидлаганидек, жамоа жаҳон саҳнасида юқори профессионаллик кўрсатди. Таъкидлаш жоизки, мактаб ўқувчилари бепул фестиваль ва тренинглар ўтказиб, уларда тенгдошларига робототехника ва дастурлаш асосларини ўргатмоқда.

«Йигитлар ажойиб натижалар кўрсатиб, мамлакатимизни муносиб ҳимоя қилишди. Ўқувчиларимизнинг ғалабасига ҳисса қўшган барчага ўз миннатдорчилигимизни билдирамиз! Бу Қозоғистонда STEMни ривожлантириш йўлидаги узоқ ва самарали йўлнинг бошланиши», — деди USTEM Robotics жамоат фонди ҳаммуассиси Нурдаулет Досмағамбет.

Эслатиб ўтамиз, терма жамоа таркиби жорий йилнинг февраль ойида Таълим-маориф вазирлиги кўмагида ўтказилган FIRST Central AsiaМарказий Осиё ўйинларида шакллантирилган эди.

«110 мамлакатдан келган иштирокчилар ўртасида баҳс бўлмади. Фарзандларимиз юксак профессионал маҳорат кўрсатиб, муносиб мукофотларга сазовор бўлганидан фахрланамиз. Уларнинг ёрқин намунаси юртимиздаги барча мактаб ўқувчилари учун рағбат бўлишига ишонамиз, – дейди Республика «Дарин» илмий-амалий маркази Педагогика маҳорати лабораторияси мудири Айгул Қарақулова.

Робототехника бўйича жаҳон чемпионатида жами 36 минг бола иштирок этди. Мамлакат шарафини 50 нафарга яқин қозоғистонлик мактаб ўқувчилари ҳимоя қилди.

Фото: gov.kz