Қозоғистонлик курашчи U23 жаҳон чемпионатида яна бир олтин медалга эга бўлди
ASTANA. Kazinform - Қозоғистонлик курашчи Юсуф Ашрапов 23 ёшгача бўлган спортчилар ўртасида юнон-рум кураши бўйича жаҳон чемпиони бўлди. АҚШнинг Лас-Вегас шаҳрида бўлиб ўтаётган жаҳон чемпионатида у 72 килограммгача бўлган вазн тоифасида олтин медални қўлга киритди. Бу ҳақда Kazinform Туризм ва спорт вазирлигига таяниб хабар беради.
Финалда Ашрапов Арманистон вакили Гаспар Тертерян билан куч синашди. Кескин кечган беллашувда қозоғистонлик спортчи 4:3 ҳисобида ғалаба қозонди.
Аввалроқ Қозоғистон терма жамоасига яна бир олтин медални 60 килограммгача бўлган вазн тоифасида иштирок этаётган Айбек Айтбеков келтиргани ҳақида хабар берилган эди. У ярим финалда украиналик Евген Поковбани 5:4 ҳисобида мағлуб этган бўлса, финалда Озарбайжон вакили Элмир Алиев устидан 13:4 ҳисобида ғалаба қозонди.
Қозоғистоннинг яна икки нафар курашчиси жаҳон чемпионати медаллари учун курашни давом эттирмоқда.
