Қозоғистонлик курашчи ёшлар ўртасидаги жаҳон чемпионатининг кумуш медали соҳибига айланди

NUR-SULTAN. Kazinform – Қозоғистонлик курашчи Юсуф Мациев Болгария пойтахти София шаҳрида 20 ёшгача бўлган ёшлар ўртасидаги жаҳон чемпионатининг кумуш медали совриндори бўлди, деб хабар беради Kazinform мухбири.

Қозоғистон кураш федерацияси сайтидан олинган маълумотларга кўра, Юсуф Мациев юнон-рум кураши бўйича 97 килограммгача бўлган вазн тоифасида осонлик билан финалга чиқди ва сўнгги учрашувда эронлик Али Рамезанали Абедидарзи билан жанг қилиб, мағлуб бўлди.

Яна бир қозоғистонлик курашчи Динмуҳаммед Қошқар 67 килограмм вазн тоифасида бронза медалини қўлга киритди.

Бунгача юнон-рум кураши вакили Мақсат Сейлау 87 килограмм вазнда учинчи ўринни эгаллаган эди. У бронза медали учун баҳсда украиналик Микита Алексеевдан устун келди.

Муаллиф: Ғайсағали Сейтақ