Қозоғистонлик футболчи Бахтияр Зайнутдинов Туркиянинг «Бешикташ» клубига ўтди

ASTANA. Kazinform – Туркиянинг «Бешикташ» клуби Қозоғистон терма жамоаси ярим ҳимоячиси Бахтияр Зайнутдиновнинг Истанбулга келиши ҳақида фикр билдирди, деб хабар беради Kazinform.

«Қозоғистонлик футболчи Бахтияр Зайнутдинов клубимиз билан трансфер музокараларини якунлаш учун Истанбулга келди. Зайнутдиновни аэропортдан вице-президентимиз Серхан Четинсай кутиб олди», – деб ёзади «Бешикташ» матбуот хизмати Instagramда.

Эслатиб ўтамиз, бунгача турк ОАВлари Бахтияр Зайнутдинов учун «Бешикташ» Москванинг ЦСКА клубига 4,5 миллион евро тўлаши ҳақида ёзган эди. Transfermarkt.de хабарига кўра, Зайнутдиновнинг бозордаги нархи 6 миллион еврони ташкил қилади.

2020 йилдан бери қозоғистонлик футболчи Москванинг ЦСКА клубида тўп суряпти. У ЦСКА сафида уч йил давомида 83 та ўйин ўтказиб, 7 та гол урган.