Қозоғистонлик ёш теннисчилар Туркиядаги турнирнинг иккинчи босқичига йўл олишди

ASTANA. Kazinform – Қозоғистонлик ёш теннисчилар Анталия (Туркия) шаҳрида ўтказилаётган ITF World Tennis Tour W15 турнирининг иккинчи босқичига йўл олди, деб хабар беради Kazinform мухбири.

Қозоғистон теннис федерацияси хабарига кўра, Жанел Рустемова ўзининг илк учрашувида туркиялик Лейла Елмазни мағлуб этди - 6:3, 6:0.

Қозоғистонлик теннисчи иккинчи даврада мусобақанинг 5-ракеткаси россиялик Анна Уреке билан куч синашади.

Яна бир қозоғистонлик Аружан Сағиндиқова уч сет давом этган баҳсда швейцариялик Катерина Цигуровадан устун келди – 5:7, 7:5, 6:4.

Аружан чорак финалга чиқиш учун швециялик Юлия Локвист билан беллашади. У жуфтлик баҳсларида ҳам муваффақиятли иштирок этмоқда. А.Сағиндиқова тайбэйлик Ю-Юн Ли билан биргаликда чехиялик Изабелла Хензова – Луча Застеровани 6:2, 7:6 (7:2) ҳисобида мағлуб этиб, чорак финалга йўлланма олди.

Сандуғаш Кенжебаева биринчи даврада яккалик баҳсларида чехиялик Дениса Хардинковага ютқазиб қўйди - 1:6, 1:6.

Италиянинг Соларино шаҳрида ўтказилган ITF World Tennis Tour W15 турнирида 15 ёшли Зара Даркен асосий турнирга йўл олди, бироқ биринчи даврада британиялик Абигейл Амосга имкониятни бой берди – 4:6, 3:6.

Эслатиб ўтамиз, аввалроқ қозоғистонлик теннисчилар Туркиядаги турнирда чорак финалга чиққани ҳақида ёзган эдик.

Муаллиф: Ғайсағали Сейтақ