Қозоғистонлик ёш ижрочи «Витебск» болалар танловининг Гран-присини қўлга киритди

ASTANA. Kazinform – Қозоғистонлик ёш ижрочи Шерхан Аристан «Витебск» XXI Халқаро болалар мусиқа танловининг Гран-присини қўлга киритди, дея хабар беради Kazinform БЕЛТА агентлигига таяниб.

Шерхан Аристанга мукофотни Беларусь Президенти Александр Лукашенко «Витебскдаги Славян бозори» XXXII Халқаро санъат фестивалининг очилиш маросимида шахсан топширди.

Танлов ҳакамлар ҳайъати 12 ёшли Шерхан Аристанга икки кунда ҳам максимал балл – 70 балл берди.

Натижада у барча рақибларини четлаб ўтиб, 140 балл олди. Биринчи куни у Андреа Бочелли, Девид Фостер ва Эми Фостернинг Ama, Credi e Vai («Люби, верь и иди») қўшиқларини ижро этди.

БЕЛТА хабарига кўра, ёш ижрочи кучли вокал намойиш этиб, томошабинлар ва ҳакамлар ҳайъатини ҳайратда қолдирди.

Беларуслик София Рустамова мусобақа пешқадамига атиги 4 очко йўқотди. Танловнинг биринчи кунида унинг очколари сони 66 тани ташкил этган бўлса, иккинчи куни беларусь тилидаги қўшиқ унга орзу қилинган максимал 70 баллни келтирди.