Қозоғистонлик Елена Рибакина Мадрид турнирининг учинчи босқичига чиқди

NUR-SULTAN. Kazinform - Қозоғистоннинг биринчи, дунёнинг 18-ракеткаси Елена Рибакина Мадриддаги WТА 1000 турнирининг учинчи босқичига йўл олди, дея хабар беради Kazinform мухбири.

Мазкур йирик турнирнинг 16-ракеткаси сифатида қайд этилган қозоғистонлик теннисчи иккинчи учрашувини дунё рейтингида 51-ўринни эгаллаб турган чехиялик Катерина Синяковага қарши ўтказди.

Иккаласи аллақачон беш марта куч синашишган, шундан учтасида Е.Рибакина ғалаба қозонган.

Бу сафар биринчи сетда Е.Рибакина рақибига бирорта ҳам гейм бермади - 6:0.

Иккинчи сетда Е. Рибакина 1:0 ҳисобида олдинга чиқиб олганидан кейин чехиялик спортчи мусобақани давом эттиришдан бош тортди.

Атиги 38 дақиқа давом этган учрашувда Елена Рибакина 3 та эйс амалга оширди ва 6 та брейкнинг ярмидан фойдаланди.

Е.Рибакина соврин жамғармаси 6,5 миллион евродан ортиқ бўлган турнирнинг чорак финалига чиқиш учун дунёнинг 35-ракеткаси швейцариялик Хиль Белен Тайхман билан куч синашади.

Муаллиф: Елжан Ерали