Қозоғистонлик Елена Рибакина Мадрид турнирини ғалаба билан бошлади

NUR-SULTAN. Kazinform – Қозоғистоннинг биринчи, дунёнинг 18- ракеткаси Елена Рибакина Мадридда ўтказилаётган WТА 1000 турнирини ғалаба билан бошлади, дея хабар беради Kazinform мухбири.

Соврин жамғармаси 6,5 миллион евродан ортиқ бўлган энг йирик турнирнинг 16-ракеткаси сифатида рўйхатдан ўтган қозоғистонлик теннисчи биринчи босқичда дунё рейтингида 93-ўринни эгаллаб турган франциялик Осеан Доден билан куч синашди.

Биринчи партияда Елена иккита брейкдан фойдаланди ва яққол устунликни таъминлади - 6: 2.

Иккинчи сет Рибакина фойдасига ҳал бўлди - 7:5.

Бир соату 20 дақиқа давом этган баҳсда қозоғистонлик теннисчи 12 та эйс ва 7 брейк-пойнтдан бештасини ишлатди. Франциялик спортчи 4 та эйс ва 2 та брейк билан чекланди.

Е.Рибакина учинчи босқич учун дунёнинг 51-ракеткаси чехиялик Катерина Синякова ёки 66-ўринни эгаллаб турган хорватиялик Ана Конюх билан куч синашади.

Эслатиб ўтамиз, Юлия Путинцева Мадрид турнирини ғалаба билан бошлагани ҳақида хабар берган эдик.

Муаллиф: Елжан Ерали