Қозоғистонлик дзюдочи Европа кубогини қўлга киритди

ATYRAU. Kazinform - Атираулик дзюдочи Европа кубогини қўлга киритди. Бу ҳақда вилоят жисмоний тарбия ва спорт бошқармаси матбуот хизмати маълум қилди, дея хабар беради Kazinform мухбири.

Атираулик спортчи Қанат Сейилхан айни дамда Португалиянинг Порту шаҳрида бўлиб ўтаётган Европа кубоги ғолибига айланди. Унда дунёнинг 26 давлатидан 206 нафар спортчи иштирок этмоқда. Нафақат Атирау вилояти, балки Қозоғистон шарафини ҳимоя қилган атираулик дзюдочи илк жангида италиялик рақибини мағлуб этди. Иккинчисида эса исроиллик спортчи устидан ғалаба қозонди. Ярим финалда швейцариялик спортчини мағлуб этиб, финалга чиқди ва унда португалиялик иштирокчига қарши ёрқин ўйини билан ажралиб турди.

Муаллиф: Виктор Сутягин