Қозоғистонлик боксчиларнинг WBO янгиланган рейтингидаги ўринлари маълум бўлди

ASTANA. Kazinform – Бутунжаҳон бокс ташкилоти (WВО) барча вазн тоифаларидаги боксчилар рейтингининг янгиланган тизимини эълон қилди, дея хабар беради Kazinform Sports.kzга таяниб.

Иккинчи ўрта вазн тоифасида қозоғистонлик Али Ахмедов бир поғона юқорилаб, 11-ўринга кўтарилди. Ушбу дивизионда WВО йўналиши бўйича жаҳон чемпиони мексикалик Сауль «Канело» Альварес бўлса, кучли учликдан Деметриус Андраде (АҚШ), Эрик Базинян (Канада) ва Диего Пачеко (АҚШ) жой олган.

Чемпионлик унвони Жанибек Алимханулига тегишли бўлган ўрта тоифада Геннадий Головкин биринчи ўринда қолди, британиялик Лиам Смит ва мексикалик Хайме Мунгия иккинчи ва учинчи ўринда. WBO International йўналиши чемпиони Мейирим Нурсултанов ҳамон тўртинчи ўринда.

Иккинчи енгил вазн тоифасида Султан Заурбек 15-поғонада қолди. Рейтинг етакчиси британиялик Арчи Шарп, иккинчи ўринни мексикалик Оскар Валдез, учинчи ўринни америкалик Альберт Белл эгаллаган. Бу вазнда WВО жаҳон чемпиони мексикалик спортчи Эмануэль Наваррете ҳисобланади.

Очиқ манбалардан олинган фотосурат