Қозоғистонлик боксчиларнинг WBC янгиланган рейтингидаги ўринлари маълум бўлди
ASTANA. Kazinform - Бутунжаҳон бокс кенгаши (WBC) барча вазн тоифаларидаги жангчилар рейтингини янгилади, дея хабар беради Кazinform агентлиги Sports.kzга таяниб.
Оғир вазн тоифасида қозоғистонлик Жан Кособуцкий ва Иван Дичко биттадан ўрин йўқотиб, мос равишда 26 ва 31-ўринларни эгаллади. Оғир вазн тоифасида WBC йўналиши бўйича жаҳон чемпиони британиялик боксчи Тайсон Фьюри, кучли 3 та давогар эса унинг ҳамюрти Энтони Жошуа, кубалик Френк Санчес ва янги зеландиялик Жозеф Паркердир.
Ўрта вазнда Мейирим Нурсултанов биринчи ўринда қолди ва унинг энг яқин таъқибчиси кичик Крис Юбэнк ўрнига бошқа британиялик, WBC Silver чемпиони Ҳамза Шираз жойлашди. "вақтинчалик" WBC чемпиони доминиканлик Карлос Адамес, асосий камар эса америкалик Жермалл Чарлога тегишли.
Биринчи ярим ўрта вазн тоифасида Сергей Липинец 27-ўринда, Батир Жукембаев эса 29-ўринда қолди. Бу ерда WBC чемпионлик камарига америкалик Девин Хэйни эгалик қилади, рейтингда биринчи ўринда испаниялик Сандор Мартин, америкалик Ричардсон Хитченс ва Гэри Антуан Расселл кучли учликдан жой олди.
