Қозоғистонлик боксчилар Венгрияда ўтказилган халқаро турнирда бешта олтин медалга эга бўлди

ASTANA. KAZINFORM - Қозоғистон боксчилари Дебреценда (Венгрия) Иштван Бочкаи хотирасига бағишланган халқаро турнирда бешта олтин медални қўлга киритди.

Жами 9 нафар қозоғистонлик спортчи финалга йўл олди ва улардан беш нафари чемпион бўлди.

Хусусан, Асхат Жусипов 48 килограммгача бўлган вазн тоифасида украиналик Андрей Тишковеч устидан кўпчилик овоз билан ғалаба қозонди.

Шунингдек, Асилжан Серикбай (57 кг) венгриялик Роланд Верешни, Бибарис Жексен (60 кг) яна бир ринг эгаси Крузито Ковачни (60 кг), Ертуған Зейнуллинов (63,5) Ричард Ковачни мағлубиятга учратди. Ерасил Жакпековнинг (80 кг) рақиби венгриялик Пал Ковач рингга чиқмагани боис ғалаба қозоғистонлик боксчига берилди.

Муаллиф: Ғайсағали Сейтақ