Қозоғистонлик боксчи жаҳон чемпиони унвони учун жанг қилади

ASTANA. Kazinform – Қозоғистонлик боксчи Жанқош Тураров (26-0, 19КО) биринчи ярим ўрта вазнда IBO йўналиши бўйича жаҳон чемпиони унвони учун жанг ўтказади, дея хабар бермоқда Kazinform Instаgrаmдаги kazproboxing саҳифасига таяниб.

Ж. Тураров ушбу чемпионлик унвонининг амалдаги соҳиби мексикалик Алехандро Менесес (16-5, 9 КО) билан учрашади. Уларнинг жанги 21 март куни Алмати шаҳрида бўлиб ўтадиган бокс мусобақасининг асосий жанги бўлади. Дастлаб бу ўйин 18 мартга белгиланган эди.

Эслатиб ўтамиз, Жанқош Тураров Алматидаги аввалги жангида венесуэлалик Луис Энрике Ромерони (11-6-1, 7КО) еттинчи раундда нокаутга учратган ва биринчи ярим дивизионида IBO Inter-Continental чемпиони унвонини қўлга киритган эди.

Алехандро Менесес бугунгача бўлган сўнгги учрашувида Ливерпульда (Англия) маҳаллий фаворит Сэм Максвеллни (16-1, 11КО) нокаутга учратди. С.Максвелл профессионал боксдаги фаолиятида илк бор мағлуб бўлди.