Қозоғистонлик боксчи WBC рейтингининг кучли ўн бешлигига кирди
ASTANA. Kazinform - Бутунжаҳон бокс кенгаши (WBC) барча вазн тоифаларидаги жангчилар рейтингининг янгиланган версиясини эълон қилди, деб хабар беради Kazinform Sports.kzга таяниб.
Оғир вазн тоифасида 27-ўринни эгаллаб турган Жан Кособуцкий рейтингни тарк этди. Иван Дичко икки поғонага кўтарилиб, 31-ўринни эгаллади.
Ярим оғир вазн тоифасида Бекзад Нурдаулетов бир поғона пастга тушиб, 27-ўринда.
Иккинчи ўрта вазн тоифасида Али Аҳмедов 16-ўриндан 13-ўринга кўтарилди. Бек Нурмағанбет бир ўринни бой берди – 33- ўринни эгаллади.
Мейирим Нурсултанов ўрта вазн тоифасидаги рейтингда британиялик Хамза Шираздан кейин иккинчи ўринда қолди. Ушбу дивизионда WBC йўналиши бўйича жаҳон чемпиони доминикалик Карлос Адамес ҳисобланади.
Садриддин Аҳмедов биринчи ўртача тоифадаги рейтингга 30-ўриндан жой олди.
Ярим ўрта вазн тоифасида Сергей Липинец ва Батир Жукембаев биттадан позицияни йўқотиб, мос равишда 27 ва 29-ўринларни эгаллашди.
Иккинчи енгил вазн тоифасида Султан Заурбек икки очко йўқотиб, 32-қаторга жойлашди.
