Қозоғистонлик боксчи WBА рейтингининг 15 талигига кирди
Эътиборингизга қозоғистонлик боксчиларнинг позицияларини тақдим этамиз:
Оғир вазнда Жан Кособуцкий битта поғона йўқотди ва тўққизинчи бўлди. Иван Дичко 15-ўринда қолди. Ушбу вазн тоифасида жаҳоннинг «супер чемпиони» украиналик Александр Усик, кучли учликка америкалик боксчи Майкл Хантер, финляндиялик Роберт Хелениус ва британиялик Хью Фюри киради.
Биринчи оғир вазн тоифасида Қамшибек Қонқабаев ҳамон тўртинчи, Серик Мусадилов эса 12-ўринни эгаллаб турибди. Асосий чемпионлик унвони франциялик Арсен Гуламирянга тегишли, кучли учликка россиялик Алексей Егоров, Куба вакили Юниэл Дортикос ва швециялик Баду Жек киради.
Иккинчи ўрта тоифадаги Айдос Ербосинули ва Бек Нурмағанбет мос равишда биринчи ва 11-ўринларни сақлаб қолди. Рейтингда иккинчи ўрин британиялик Жон Райдерга, учинчи ўрин АҚШлик Калеб Плантга тегишли. WBА Super чемпиони мексикалик Сауль «Канело» Альварес.
Ўрта тоифада Мейирим Нурсултанов рейтингга 14-ўринни эгаллади. Ушбу вазндаги WBА Super камари бошқа бир қозоғистонлик Геннадий Головкинга тегишли. Энг кучли учликка Майкл Зерафа (Австралия), Риота Мурата (Япония) ва Серхио Мартинес (Аргентина) киради.
Иккинчи енгил вазн тоифаси вакили Султан Заурбек эса ўнинчи бўлиб қолди. Биринчи ўринни америкалик кичик Ламонт Роуч, учинчи ўринни ирландиялик жангчи Жоно Керролл ва грузиялик Отар Эраносян эгаллади. «Супер чемпион» камари вакант, «мунтазам» чемпион эса Доминикан Республикаси вакили Эктор Луис Гарсия ҳисобланади.
Иккинчи энг енгил дивизионда Евгений Павлов ҳали ҳам олтинчи ўринда. Рейтинглар жадвалида Арманистонлик Азат Ованнисян биринчи, Томоки Камеда (Япония) иккинчи, Олег Довгун (Украина) учинчи ўринни эгаллаб турибди. WBА Super камари ўзбекистонлик Муроджон Ахмадалиевга тегишли.
Фото: sports.kz
